Hais txog Coverage is Care

Coverage is Care yog dab tsi?

Coverage is Care yog ib lub khoos kas tsom kwm rau hauv zej zog uas pab cov tib neeg thiab cov tsev neeg kom nkag siab txog lawv cov kev duav roos thiab kev pab kom lawv tau txais cov ntaub ntawv thiab cov chaw muab kev pab cuam uas ntseeg siab tau. Thaum cov kev hloov pauv rau Medi-Cal pib siv rau xyoo 2027, Coverage is Care cov kev pab cuam yuav ua lub hauv paus muab cov ntaub ntawv qhia meej thiab yooj yim rau kom nkag siab uas yuav pab tib neeg npaj rau tej yam uas yuav tshwm sim tom ntej, nkag siab txog cov kauj ruam uas lawv yuav tsum tau ua, thiab paub tias yuav tsum tiv tauj leej twg yog tias lawv muaj lus nug.

Qhov kev muab cov ntaub ntawv thiab cov chaw muab kev pab cuam hauv zej zog uas ntseeg siab tau los sau ua ke rau hauv ib qho chaw, Coverage is Care lub hom phiaj yog txhawm rau txo qhov tsis meej pem thiab pab cov tib neeg nrog rau cov tsev neeg kom paub txog cov xov xwm tshiab thaum muaj kev hloov pauv tshwm sim yav tom ntej.

Vim li cas lub khoos kas no thiaj tseem ceeb?

Cov kev hloov pauv rau Medi-Cal uas tej zaum yuav coj los nrog cov cai thiab cov txheej txheem tshiab rau qee tus neeg thiab tsev neeg pib txij xyoo 2027. Txawm hais tias cov ntsiab lus hais txog kev coj mus siv tseem tab tom hloov pauv mus ntxiv los xij, muaj ib yam tseem meej heev: kev npaj ua ntej yuav pab txo qhov tsis paub meej thiab ua kom tib neeg nkag siab tau yooj yim dua tias yuav muaj dab tsi tshwm sim.

Coverage is Care txhawb kom tib neeg paub txog tej yam thaum ntxov los ntawm kev muab cov ntaub ntawv ntseeg siab tau, cov chaw muab kev pab cuam siv tau tiag, thiab kev txhawb nqa hauv zej zog—los sau ua ke tag nrho rau hauv ib qho chaw.

Vim li cas kev muaj kev kev duavr oos thiaj tseem ceeb?

Kev muaj kev duav roos txog kev noj qab haus huv yog ntau tshaj li kev tuav pov hwm xwb. Nws pab cov tib neeg kom txuas nrog kev kho mob tiv thaiv kab mob, tshuaj, kev pab cuam kev noj qab haus huv fab cwj pwm, kev saib xyuas cev xeeb tub, kev kho mob rau me nyuam yaus thiab kev kho mob tas mus li. Thaum qhov kev duav roos tau txais kev cuam tshuam vim tsis tau xa cov ntaub ntawv, cov ntaub ntawv tiv tauj tsis yog qhov tshiab, los sis tsis nkag siab meej txog cov txheej txheem, cov neeg yuav ncua sij hawm mus nrhiav kev kho mob los sis ntsib teeb meem uas tsis tsim nyog rau lawv txoj kev noj qab haus huv.

Coverage is Care muaj nyob los pab kom cov ntaub ntawv nkag siab tau yooj yim dua, txhawb kom npaj tau ntxov thiab pab txuas tib neeg nrog cov chaw muab kev pab cuam uas ntseeg siab tau ua ntej yuav muaj cov teeb meem uas zam tau los thaiv txoj kev tau txais kev saib xyuas kev noj qab haus huv.
 

Kev Paub Ua Ntej

Pab cov tib neeg kom nkag siab txog cov kev hloov pauv uas yuav los tom ntej ua ntej yuav dhau lub sij hawm kawg uas tseem ceeb. Cov tib neeg uas paub tias yuav muaj kev hloov pauv yuav npaj kom tau zoo dua los nqis tes ua thaum txog lub sij hawm.

Kev Pab Txhawb Nqa

Txuas tib neeg nrog cov ntaub ntawv thiab cov chaw muab kev pab cuam thaum muaj lus nug los sis muaj teeb meem tshwm sim. Txawm hais tias koj tab tom nrhiav lus teb los sis tsis paub tias yuav pib qhov twg, peb yuav pab qhia koj mus rau hauv txoj kev uas yog lawm.

Cov lus qhia meej

Muab cov ntaub ntawv uas ntseeg siab tau los ntawm cov lus yooj yim, txhawm rau kom cov tsev neeg paub tias yuav muaj dab tsi tshwm sim thiab yuav nrhiav tau cov lus teb qhov twg. Peb lub hom phiaj yog ua kom cov ntaub ntawv nyuaj rau kev nkag siab tau yooj yim dua.

Cov Kev Koom Tes Hauv Zej Zog

Muab cov ntaub ntawv uas ntseeg siab tau los ntawm cov lus yooj yim, txhawm rau kom cov tsev neeg paub tias yuav muaj dab tsi tshwm sim thiab yuav nrhiav tau cov lus teb qhov twg. Peb lub hom phiaj yog ua kom cov ntaub ntawv nyuaj rau kev nkag siab tau yooj yim dua.

Peb qhov kev cog lus cia

Saint Agnes zoo siab txhawb nqa lub khoos kas Coverage is Care los ntawm kev muab qhov chaw pab cuam rau pej xeem no, thiab koom tes nrog cov koom haum hauv zej zog los pab kom tib neeg paub ntxiv txog cov kev hloov pauv ntawm Medi-Cal uas yuav tshwm sim yav tom ntej.

Thaum muaj cov ntaub ntawv thiab cov chaw muab kev pab cuam ntxiv rau hauv zej zog uas ntseeg siab tau, lub chaw muab kev pab cuam no yuav txuas ntxiv loj hlob tuaj txhawm rau pab tau cov tib neeg thiab tsev neeg hauv cheeb tsam Central Valley kom zoo dua qub.

Puas tau npaj txhij kawm paub ntau ntxiv?

Tshawb xyuas cov kev hloov pauv uas yuav tshwm sim rau Medi-Cal, nrhiav cov chaw muab kev pab cuam uas pab tau zoo, thiab nrhiav cov lus teb rau cov lus nug uas nquag nug.

Kawm paub ntau ntxiv

Koj puas muaj lus nug ntxiv txog Coverage Is Care thiab Cov Kev Hloov Pauv hauv Medi-Cal?

Saib Cov Lus Nug Uas Nquag Nug txog cov kev hloov pauv uas xav tias yuav tshwm sim thiab lwm yam ntsiab lus uas ntsig txog.

Kawm paub ntau ntxiv

Puas yog tab tom nrhiav lwm yam chaw muab kev pab cuam thiab kev pab?

Tshaw nrhiav cov kev xaiv rau cov chaw muab kev pab cuam nyob hauv cheeb tsam no, txhawm rau pab txhawb rau cov kev hloov pauv uas yuav tshwm sim yav tom ntej.

Kawm paub ntau ntxiv