Kev Nkag Siab Txog Cov Kev Hloov Pauv
Learn about upcoming Medi-Cal changes and what they may mean for individuals and families.
Pib txij xyoo 2027, yuav muaj ntau yam kev hloov pauv uas yuav cuam tshuam rau txoj hauv kev uas ib txhia neeg tau txais thiab tuav tau Medi-Cal qhov kev duav roos. Kev nkag siab txog yam uas yuav tshwm sim tom ntej tuaj yeem pab koj npaj txhij thiab paub tias thaum twg koj yuav tsum tau nqis tes ua ib yam dab tsi. Tsis yog txhua qhov kev hloov pauv yuav cuam tshuam rau txhua tus neeg tib yam nkaus. Thaum muaj cov lus qhia ntxiv, Coverage Is Care yuav txuas ntxiv hloov kho cov ntaub ntawv no.
Muaj dab tsi tab tom hloov pauv?
Tej zaum cov kev hloov pauv uas yuav los tom ntej no yuav cuam tshuam rau qhov kev tsim nyog tau txais, kev rov txuas ntxiv, thiab lwm yam ntawm Medi-Cal. Nov yog plaub qhov kev hloov pauv tseem ceeb uas yuav tsum paub txog.
Cov Kev Hloov Pauv rau Cov Cai Yuav Tsum Tau Ua Rau Kev Ua Hauj Lwm
Tej zaum cov neeg laus qee leej yuav tsum tau ua raws li cov cai tshiab hais txog kev ua hauj lwm los sis kev koom tes hauv zej zog, thiaj li tseem tuaj yeem tau txais kev duav roos hauv Medi-Cal.
Tsis yog txhua tus yuav tau txais kev cuam tshuam, thiab tej zaum yuav muaj qee tus neeg tsim nyog tau txais kev zam raws li lawv cov xwm txheej.
Kev Tshuaj Xyuas Txog Kev Tsim Nyog Uas Nquag Muaj Ntxiv
Tej zaum cov tswv cuab hauv Medi-Cal yuav tsum tau rov txuas sij hawm dua los sis txheeb xyuas seb lawv puas tseem tsim nyog tau txais kev pab ntau zaus tshaj li qhov lawv tau txais tam sim no.
Qhov no ua rau nws tseem ceeb heev uas yuav tsum tau saib xyuas cov ntawv ceeb toom, khaws koj cov ntaub ntawv tiv tauj kom yog qhov tshiab tshaj plaws, thiab teb rov qab raws li lub sij hawm kawg uas tau teev tseg.
Kev Tsim Nyog Tau Txais rau Ib Txhia Neeg Uas Tsis Yog Pej Xeem
Tej zaum cov kev hloov pauv rau txoj cai tsim nyog tau txais Medi-Cal yuav muaj feem cuam tshuam rau qee cov neeg uas tsis yog pej xeem teb chaws pib txij li cov xyoo tom ntej no.
Cov kev hloov pauv no yuav siv li cas ntawd yog nyob rau ntawm txhua tus neeg qhov xwm txheej, suav nrog lawv cov xwm txheej hais txog kev nkag teb chaws thiab lwm yam kev cai uas yuav tsum tau ua kom tau raws li.
Kev Them Tuav Pov Hwm Rov Qab Rau Lub Sij Hawm Luv Dua
Lub sij hawm uas Medi-Cal yuav them duav roos rov qab rau yav dhau los rau qee tus neeg thov ntawd yuav luv dua.
Tej zaum qhov no yuav cuam tshuam txog tias cov nqi kho mob uas tsim nyog tau txais kev them nyiaj ntawd, yuav rov qab them tau rau cov nqi uas tshwm sim ntev npaum li cas ua ntej lub hlis uas ib tug neeg thov hauv Medi-Cal.
Vim li cas cov kev hloov pauv no thiaj tseem ceeb?
Kev tuav pov hwm rau kev noj qab haus huv pab kom tib neeg tau txais kev pab cuam tiv thaiv kab mob, tshuaj kho mob, kev pab cuam txog kev coj cwj pwm thiab kev puas hlwb, kev saib xyuas thaum cev xeeb tub, kev saib xyuas kev noj qab haus huv rau me nyuam yaus, thiab kev kho mob uas yuav tsum tau kho txuas ntxiv mus. Thaum qhov kev duav roos tau txais kev cuam tshuam vim tsis tau xa cov ntaub ntawv, cov ntaub ntawv tiv tauj tsis yog qhov tshiab, los sis tsis nkag siab txog cov txheej txheem rov txuas sij hawm rau qhov kev pab cuam, cov neeg yuav ncua sij hawm mus nrhiav kev kho mob los sis tsis muaj peev xwm siv tau cov kev pab cuam uas lawv xav tau.
Yog li ntawd, kev kawm paub txog cov kev hloov pauv no thaum ntxov, thiab paub tias koj yuav tsum tau ua dab tsi, yuav muaj feem pab tau zoo heev.
Txhua xyoo, ntau tus neeg plam lawv txoj kev duav roos nqi kho mob vim tsis tau txais los yog tsis tau pom cov ntawv ceeb toom kom txuas sij hawm dua, cov ntaub ntawv ua tsis tiav, los sis cov ntaub ntawv tiv tauj uas tsis yog qhov tshiab—tsis yog vim lawv tsis tsim nyog tau txais qhov kev pab cuam lawm.
Kev ua ob peb kauj ruam tam sim no yuav pab txo tau qhov kev pheej hmoo uas yuav ua rau kev pab cuam raug cuam tshuam yam tsis tsim nyog.
Cov chaw muab kev pab cuam thiab cov cuab yeej
Nrhiav cov ntaub ntawv ntseeg siab tau, cov cuab yeej thiab cov ntaub ntawv pab tau zoo los ntawm lub cheeb tsam nroog, lub xeev, thiab cov koom tes hauv zej zog, txhawm rau pab kom koj paub txog cov xov xwm tshiab thiab npaj tau rau cov kev hloov pauv ntawm Medi-Cal uas yuav tshwm sim yav tom ntej.
Kawm paub ntau ntxiv
Cov lus nug thiab kev pab txhawb nqa
Koj puas muaj lus nug txog cov kev hloov pauv, los sis tsis paub meej tias cov no yuav muaj kev cuam tshuam li cas rau koj? Nrhiav cov lus teb rau cov lus nug uas nquag muaj thiab kev txhawb nqa ntxiv los pab koj paub tias yuav tsum mus rau qhov twg tom ntej.
Kawm paub ntau ntxiv